Hamare baare mein

Hamara maqsad

Har ghar mein roz kuch na kuch bach jata hai: thore chawal, do roti, aadhi katori daal. Aksar ye phenk diya jata hai, jabke isi se ek nayi aur mazedar dish ban sakti hai.

Chef Handi isi kaam mein madad karta hai. Yahan bache khane ki recipes, ghar ke achaar, kitchen ke totkay aur roz ki cooking tips hain, Roman Urdu, Urdu aur English mein.

Desi AI Chef kaise kaam karta hai

Aap batate hain ke kya bacha hai ya kitchen mein kya rakha hai. Likh kar bhi bata sakte hain aur photo le kar bhi. AI Chef aap ke goal (fat loss, muscle gain ya maintain) ke hisaab se desi recipe banata hai, calories aur protein ke saath.

Aap ka daily calorie target Mifflin-St Jeor formule se nikalta hai, jo duniya bhar mein istemal hota hai.

Sach sach baat

Calories aur protein andaze hain, ghar ki quantities se thora farq ho sakta hai.

Ye website doctor ya dietitian ka badal nahi. Diabetes, BP, pregnancy ya kisi bhi health masle mein apne doctor se mashwara zaroor karein.

Agar kisi recipe mein ghalti nazar aaye ya koi cheez behtar ho sakti ho, to humein zaroor batayein. Hum usay theek karenge.

Hum kahan se hain

Chef Handi Faisalabad, Pakistan se chalaya jata hai, aur duniya bhar ke desi gharon ke liye hai.